يېڭىسارنىڭ قىزىل يېزىسىدا رامىزاندا قانلىق ۋەقە چىققانلىقى ئاشكارىلاندى

شۆھرەت ھوشۇر

ئاڭلاش ياكى چۈشۈرۈش

شىۋېتسىيەدىكى شەرقى تۈركىستان ئۇچۇر مەركىزىنىڭ تور بېتىدە بايان قىلىنىشىچە، رامىزاننىڭ دەسلەپكى ھەپتىسى يېڭىسار ناھىيىسىدە قانلىق ۋەقە يۈز بەرگەن، ۋەقەدە تۆۋەنگە چۈشكەن خىزمەت گۇرۇپپىسىدىن 6 نەپەر خىتاي ۋە 3 نەپەر ئۇيغۇر كادىر 4 نەپەر پىدائىي تەرىپىدىن پىچاقلاپ ئۆلتۈرۈلگەن. مۇخبىرىمىز بۇ يىپ ئۇچىغا ئاساسەن بۈگۈن يېڭىساردىكى ساقچىخانىلاردىن مەلۇمات ئىگىلىدى؛ مۇخبىرىمىزنىڭ زىيارىتىنى قوبۇل قىلغان چولپان ساقچىخانا خادىمى رامىزاندىكى قانلىق ۋەقەنىڭ قىزىل يېزىسىدا يۈز بەرگەنلىكىنى ئاشكارىلىدى. قىزىل يېزا ساقچىخانا باشلىقى ۋەقەنىڭ يۈز بەرگەنلىكىنى ئىنكار قىلغان بولسىمۇ، ئەمما قوشنا ساقچىخانىدىكى بىر خادىم قىزىلدا ۋەقە يۈز بەرگەندىن كېيىن، يېڭىساردىكى ساقچىلارنىڭ ئۇرۇش ھالىتىگە ئۆتكەنلىكىنى ۋە بۇ ئۇرۇش ھالىتىنىڭ ئاخىرلاشقىنىغا ئەمدىلا ئىككى ئاي بولغانلىقىنى بايان قىلىش ئارقىلىق قىزىلدىكى ۋەقەنىڭ راستلىقىنى دەلىللىدى. مەلۇم بولۇشىچە، ۋەقە يېزىدىكى خىزمەت گۇرۇپپىسىنىڭ ئۆي تەكشۈرۈشى داۋامىدا كېلىپ چىققان

http://www.rfa.org/uyghur/xewerler/qanun/uyghur-weziyiti-08052015170050.html