جاڭ چۈنشيەننىڭ ۋەزىپىسىدىن قالدۇرۇلۇشى جۇ يۇڭكاڭ دېلوسىغا چېتىلماقتا

تەيۋەندىكى «مىنجىڭ پوچتا گېزىتى»نىڭ 9-دېكابىر سەيشەنبە كۈنىدىكى سانىدا خىتاينىڭ ئۇيغۇر ئاپتونوم رايونغا بەلگىلىگەن پارتكوم سېكرېتارى جاڭ چۈنشيەننىڭ تۇيۇقسىز ۋەزىپىسىدىن قالدۇرۇلۇپ، ئۇنىڭ ئورنىغا نۆۋەتتىكى خىتاي رەئىسى شى جىنپىڭنىڭ يېقىنلىرىدىن شاھ باۋلۇڭنىڭ تەيىنلەنگەنلىكى خەۋەر قىلىندى.

چەتئەللەردىكى خىتاي دېموكراتلىرى تور بېكىتىدىن بوشۈن تورى بېيجىڭدىكى ئەھۋالدىن خەۋەردار نامەلۇم شەخسلەرنىڭ سۆزىدىن نەقىل ئېلىپ، «جاڭ چۈنشيەننىڭ ۋەزىپىسىدىن قالدۇرۇلۇشىغا، ئۇنىڭ خىتاي مەركىزى تېلېۋىزىيە ئىستانسىسىدا ئىشلەيدىغان ئايالى لى شيۇپىڭنىڭ خىتاي مەركىزى ھۆكۈمىتى تەرىپىدىن تۇتقۇن قىلىنغان خىتاي سىياسىي قانۇن كومىتېتىنىڭ سابىق باشلىقى جۇ يۇڭكاڭنىڭ چىرىكلىك دېلوسى بىلەن چېتىشلىق ئىكەنلىكى سەۋەب بولغانلىقى»نى خەۋەر قىلدى.

سەيشەنبە كۈنى چەتئەللەردىكى كۆپلىگەن خىتاي دېموكراتكلىرى تور بېكەتلىرى ۋە ئىجتىمائىي ئالاقە تورلىرىدا بۇ خەۋەر تارقالغان بولسىمۇ، ئەمما خىتاي ھۆكۈمەت خەۋەرلىرىدە جاڭ چۈنشيەننىڭ ۋەزىپىسىدىن قالدۇرۇلغانلىقى ۋە بۇنىڭ سەۋەبى ھەققىدە خەۋەر بېرىلمىدى

http://www.rfa.org/uyghur/qisqa_xewer/zhang-chunshyen-12092014161415.html