شى جىنپىڭ خىتايدىكى ئالىي مەكتەپلەردە ئىدېئولوگىيە كونتروللۇقىنى كۈچەيتىشنى تەلەپ قىلغان

رويتېرس ئاگېنتلىقىنىڭ بۈگۈنكى خەۋىرىگە قارىغاندا، خىتاي كومپارتىيەسىنىڭ باش سېكرېتارى شى جىنپىڭ خىتايدىكى ئۇنىۋېرسىتېتلاردا ماركسىزم ئىدېئولوگىيەسىنى كۈچەيتىپ، غەرب ئىدىيەلىرىنىڭ سىڭىپ كىرىشىنىڭ ئالدىنى ئېلىشنى تەكىتلىگەن.

خوڭكوڭ ئوقۇغۇچىلىرىنىڭ ئۇزاققا سوزۇلغان نامايىشى تىنچىتىلغاندىن كېيىن، خىتاي كومپارتىيەسى خىتايدىكى ئۇنىۋېرسىتېتلاردا ئىدېئولوگىيە جەھەتتىكى كونتروللۇقنى كۈچەيتىش مۇقامىنى توۋلاشقا باشلىغان.

شى جىنپىڭ بۇ ھەقتىكى مەخسۇس كۆرسەتمىسىدە، «ئۇنىۋېرسىتېتلارنىڭ ماركسىزم ئىدېئولوگىيەسىنى تارقىتىش ۋە تەتقىق قىلىشتىكى ئېغىر ۋەزىپىنى ئۆز ئۈستىگە ئېلىشى ھەمدە ئۇنىۋېرسىتېتلارنىڭ چوقۇم كومپارتىيەنىڭ رەھبەرلىكى ۋە يېتەكلىشىنى قوبۇل قىلىشى لازىملىقى» نى تەلەپ قىلغان.

شى جىنپىڭنىڭ بۇ چاقىرىقى خىتاي ئىچى ۋە سىرتىدىكى كۆزەتكۈچىلەرنىڭ كۈچلۈك دىققىتىنى قوزغىغان. ئۇلار بىردەك، 1989-يىلىدىن بۇيان خىتايدا يۈرگۈزۈلۈپ كەلگەن ئىدېئولوگىيە قاماللىقى ئەمدى ئاقمايدۇ، شى جىنپىڭ ماركسىزم تەلىماتلىرىنى قايتا بازارغا سېلىش ئارقىلىق بۈگۈنكى يەر شارىلىشىش دولقۇنى ئېلىپ كەلگەن تارىخ ئېقىمىنى توسۇپ قالالمايدۇ، دەپ قارىماقتا.

http://www.rfa.org/uyghur/qisqa_xewer/shi-jinping-12292014145529.html