خوتەندە رامىزان مەزگىلىدە تىجارەت قىلمىغان ئۇيغۇر ئاشخانىلىرىغا جەرىمانە قويۇلغان

ئەركىن ئاسىيا رادىيوسى ئۇيغۇر بۆلۈمىگە كەلگەن بىر ئىنكاستا، خوتەندە رامىزان مەزگىلىدە نورمال تىجارەتنى توختاتقان ئۇيغۇر ئاشخانىلىرىغا جەرىمانە قويۇلىدىغانلىقى ھەققىدە ئۇقتۇرۇش تارقىتىلغانلىقى بىلدۈرۈلدى.

رادىيومىزغا يېزىلغان خەتتە، 2- ئىيۇندىكى شىنجاڭنىڭ دىنىي ئېتىقاد ئاقتاشلىق كىتابى ھەققىدىكى بايانات بېرىش يىغىنىدا دېيىلگەن «مۇسۇلمانچە رېستوران خوجايىنلىرىنىڭ رامىزاندا ئاشخانا ئېچىش-ئاچماسلىق ئىختىيارى ئۆزىدە» دېگەن سۆزگە رەددىيە بېرىلىپ، «ئاشخانا ئاچمىسا ئىختىيارى دېگىنى پەقەتلا ئۈرۈمچىگە دېيىلگەن، چۈنكى ئۈرۈمچىدە مۇخبىرلار بولغاچقا ئەيمىنىپ ماقۇل بولدى. ئەمما ئىككى كۈن ئاۋۋال خوتەندە بىر ۋاراق ئەھدىنامىگە قول قويغىلى سالدى، ئارىسىدا رامىزان مەزگىلىدە ئاشخانىلاردا نورمال تىجارەت قىلمىسا 500 سومدىن 1000 سومغىچە جەرىمانە تۈلەيدۇ دېيىلىپتۇ» دېگەن سۆزلەر يېزىلغان.

رادىيومىز مۇخبىرى خوتەنگە تېلېفون قىلىپ ئىگىلىگەن ئەھۋالدىمۇ، زىيارىتىمىزنى قوبۇل قىلغان ئۇيغۇرلار دائىرىلەرنىڭ ئۇيغۇر رېستوران-ئاشپۇزۇللىرىغا بۇيرۇق چۈشۈرۈپ رامىزان مەزگىلىدە ئاشخانىلارنىڭ ئېچىلىشى شەرت ئىكەنلىكىنى ئۇقتۇرغانلىقىنى بىلدۈرگەن ئىدى

http://www.rfa.org/uyghur/qisqa_xewer/xoten-ramizan-06082016163444.html