بېيجىڭدا 10 – نويابىرباشلىنىدىغان ئاسىيا- تىنچ ئوكيان ئىقتىسادىي ھەمكارلىق تەشكىلاتى رەھبەرلىرى يىغىنى(APEC) ئۈچۈن ئالاھىدە بىخەتەرلىك تەدبىرلىرى يولغا قويۇلۇشقا باشلىدى.ئەتە (5-نويابىر) بېيجىڭدا، اسىيا- تىنچ ئوكيان ئىقتىسادىي ھەمكارلىق تەشكىلاتى ئالىي دەرىجىلىك مەمۇرلار يىغىنى ۋە ئاسىيا- تىنچ ئوكيان ئىقتىسادىي ھەمكارلىق تەشكىلاتى سودا مەسلىھەت كېڭىشىنى يىغىنى باشلىنىدۇ. بۇ يىغىنلار 8 – نويابىرغىچە داۋاملىشىدۇ. 7-8-نويابىر كۈنلىرى، ئاسىيا- تىنچ ئوكيان ئىقتىسادىي ھەمكارلىق تەشكىلاتى مىنىستىرلار يىغىنى؛ 9-10-نويابىر ئارىسىدا بولسا، ئاسىيا- تىنچ ئوكيان ئىقتىسادىي ھەمكارلىق تەشكىلاتىنىڭ رەھبەرلىرى يىغىنى ئېچىلىدۇ. ئاسىيا- تىنچ ئوكيان ئىقتىسادىي ھەمكارلىق تەشكىلاتىغا ئەزا دۆلەتلەرنىڭ ئالىي رەھبەرلىرى قاتنىشىدىغان ئەڭ مۇھىم يىغىن 10-11- نويابىر كۈنلىرى ئۆتكۈزۈلىدۇ. بېيجىڭنىڭ سىرتىدىكى يەنجى كۆلىدە ئۆتكۈزۈلىدىغان 22-نۆۋەتلىك ئاسىيا- تىنچ ئوكيان ئىقتىسادىي ھەمكارلىق تەشكىلاتى ئىقتىساد رەھبەرلىرى يىغىنغا رىياسەتچىلىك قىلىدىغان شى جىنپىڭ، تەشكىلاتقا ئەزا دۆلەتلەرنىڭ رەھبەرلىرى بىلەن كۆرۈشىدۇ