قەشقەردە 12-مارت كۈنى يۈز بەرگەن قىمارخانا ھۇجۇمى ساقچىلار ۋە دوختۇرلار تەرىپىدىن دەلىللەندى

شۆھرەت ھوشۇر

ئاڭلاش ياكى چۈشۈرۈش

ئۈچ كۈندىن بېرى ئىجتىمائىي تاراتقۇلاردىكى بىر ئۇچۇردا قەشقەر شەھىرىنىڭ يابېشى ئاھالىلەر رايونىدا بىر قىمارخانىنىڭ ھۇجۇمغا ئۇچرىغانلىقى، ھۇجۇمدا 8 خىتاينىڭ يارىلانغانلىقى ۋە 4 ھۇجۇمچىنىڭ ئېتىپ تاشلانغانلىقى بايان قىلىنغان، ئەمما ۋەقە خىتاينىڭ رەسمىي ئاخبارات ۋاسىتىلىرىدە خەۋەر قىلىنماي كەلگەن ئىدى.

بۈگۈن مۇخبىرىمىز مەزكۇر ۋەقە ھەققىدە ئېنىقلاش ئېلىپ باردى. قەشقەر شامالباغ ساقچىخانىسى ۋە قەشقەر 1-دوختۇرخانىنىڭ خادىملىرى ۋەقەنىڭ يۈزبەرگەنلىكىنى دەلىللىدى. ئاشكارىلىنىشىچە، شۇ كۈنى 6 نەپەر پىدائىي يابېشى تەۋەلىكىدىكى بىر قىمارخانىغا ھۇجۇم قىلغان، ئەمما قىمارخانا خادىملىرى ئىشىكنى تاقىۋېلىش ئارقىلىق ھۇجۇمچىلارنى ئىچىگە كىرگۈزمىگەن.

ھۇجۇمچىلار قىمارخانا ئالدىدىكى خىتاي كۆچمەنلىرىگە ھۇجۇم قىلىپ ئۇلاردىن 8 نەپىرىنى يارىلاندۇرغان، ۋە ئۇلارغا تەۋە بىرقانچە موتسىكلىت ھەم ماشىنىغا ئوت قويۇپ كۆيدۈرۈۋەتكەن. نەق مەيدانغا يېتىپ كەلگەن ساقچىلار ھۇجۇمچىلاردىن 4 نەپىرىنى ئېتىپ تاشلىغان، ئىككى نەپىرىنى ئەسىرگە ئالغان

http://www.rfa.org/uyghur/xewerler/qanun/uyghurda-hujum-03162015151051.html