قازاقىستاننىڭ پايتەختى ئاستانادا ئۆتكۈزۈلگەن 10-نۆۋەتلىك خەلقئارا ئاستانا ئارقۇ تۈرك دۇنياسى ئەنئەنىۋى مۇزىكا فېستىۋالىغا تۈركىيە، قازاقىستان ۋە ئەزەربەيجانلىق سەنئەتچىلەردىن سىرت تۇنجى قېتىم ئاۋشار ۋە سالار سەنئەتچىلىرىمۇ ئىشتىراك قىلدى.

ئاستانا ئوپېرا زالىدا ئۆتكۈزۈلگەن فېستىۋالدا تۈرك دۇنياسىغا ۋەكىللىك قىلغان سەنئەتچىلەر مىللىي چالغۇلىرى بىلەن ئەنئەنىۋى مۇزىكىلىرىنى چېلىپ ناخشا ئوقۇپ چىقتى.

فېستىۋالنىڭ ئۇيۇشتۇرغۇچىسى ئەسقەر ئۇماروۋ ئەنئەنىۋى تۈرك مۇزىكىسىنى ئاستانادا ئىجرا قىلىشنىڭ ئەھمىيىتىنى ئۈستىدە توختىلىپ مۇنداق دېدى: «مۇزىكا خەلقلەرنى بىرلەشتۈرىدىغان مىسلىسىز ۋە مۇقەددەس تىلدۇر، بارلىق مۇزىكىلار ئورتاق يىلتىزغا ئىگە، بۇ يىلقى فېستىۋالغا تۇنجى قېتىم ئاۋشار ۋە سالارلارمۇ قاتناشتى، سالارلار خىتايدىن كەلدى،ئۇلارنىڭ نوپۇسى 100 مىڭ ئەتراپىدا بولۇپ ئوغۇز شىۋىسىدە سۆزلىشىدۇ. ئاۋشارلار جەنۇبىي ئىراندىن كەلگەن تۈركلەردۇر.»

ئۇماروۋ بۇ يىلقى فېستىۋالغا قاتنىشىش نىسبىتىنىڭ بۇرۇنقى فېستىۋاللارغا قارىغاندا يۇقىرى بولغانلىقىنى بىلدۈردى