توققۇزاقنىڭ مۇش يېزا ۋە توققۇزاق بازىرىدىمۇ 60 نەچچە مەسچىتنىڭ چېقىلغانلىقى دەلىللەندى

توققۇزاقنىڭ لەڭگەر يېزىسىدا 86 مەسچىتتىن 57 سىنىڭ چېقىلغانلىقى ئاشكارىلانغاندىن كېيىن، مۇخبىرىمىز بۇ ناھىيەنىڭ باشقا يېزا، بازىرىدىكى مەسچىتلەرنىڭ ئەھۋالى ھەققىدىمۇ مەلۇمات ئىگىلىدى، نەتىجىدە «مەسچىتلەرنى ئەلالاشتۇرۇش» نامى ئاستىدا ئېلىپ بېرىلغان بۇ مەسچىت چېقىش ھەرىكىتىنىڭ ناھىيە تەۋەسىدە ئومۇميۈزلۈك ئېلىپ بېرىلغانلىقى دەلىللەندى.

تەۋەلىكتىكى ساقچى خادىملىرىنىڭ ئاشكارىلىشىچە، مۇش يېزىسىدىكى 65 مەسچىتتىن 40 نەچچىسى چېقىلغان، توققۇزاق بازىرىدىكى 37 مەسچىتتىن 20 سى چېقىلغان. ئۇيغۇر مىللىتىنىڭ دىنىي ئېتىقاد ۋە مىللىي مەدەنىيەت قۇرۇلۇشى ساھەسىدە ئېلىپ بېرىلغان بۇنداق زور بىر ھەرىكەتنىڭ ئاخبارات دۇنياسىدىن يوشۇرۇن تۇتۇلغانلىقى ئۇيغۇر كۆزەتكۈچىلەرنىڭ دىققىتىنى تارتتى

http://www.rfa.org/uyghur/xewerler/din/meschit-cheqish-12122016165511.html